Mabungahon ang pakigpulong ni Presidente Ferdinand Marcos Jr. uban sa lain-laing mga korporasyon sa Canada atol sa iyang nagpadayon nga opisyal nga pagbisita sa Vancouver.
Gikalipay niini ang mga pakigsabot nga adunay mga abante nga konkreto nga mga pasalig ug mga oportunidad sa pamuhunan, labi na sa mga lugar sa pagmina ug kritikal nga mga mineral, IT, BPM, pagproseso sa negosyo, ug uban pang mga bag-ong industriya nga nahiuyon usab sa mga prayoridad sa ekonomiya sa Canada.
Lakip sa mga nakigkita sa Presidente mao ang mga representante sa OceanaGold Corporation, diin kini usa ka Canadian mining company, nga gipanglantawan nga makapalig-on sa mining ecosystem sa Pilipinas.
Nagplano usab kini nga palapdan ang kinabuhi sa operasyon sa world-class nga Didipio Gold-Copper Mine hangtod sa 2037, samtang gipamatud-an pag-usab nga kini maminusan ang epekto sa kalikopan sa mga operasyon sa Nueva Vizcaya ug Quirino.
Nipadayag usab og pasalig ang mga kompanya kang Presidente Marcos nga mogasto og 14 milyon nga USD alang sa pagpalapad sa solar powerplant ug mga programa sa eksplorasyon sa Masbate Gold Project.
Samtang, sa habig sa opisyal nga pagbisita sa presidente sa Canada, nakigkita usab siya sa mga representante sa NQX, diin ilang gihisgutan ang giplano nga programa sa pagpalapad sa negosyo sa kompanya, nga gibanabana nga mokantidad og 10.3 milyon nga USD.
