Gikumpirma ni Mayor Jonkie Ouano ang pagretiro sa Kapitan sa Barangay Cubacub, nga si Barangay Captain Almario P. Bihag, kagahapon adlawng Lunes, Septiyembre 29.
Kini human nga gi-offeran si Bihag, isip pangulo sa Disaster Risk Reduction and Management Office (DRRMO) sa lungsod of Minglanilla.
Nagpasalamat usab ang Mayor sa maong kapitan gumikan sa pagpahibalo niini ngadto sa lokal nga kagamhanan sa dakbayan, dugang usab niini nangayu usab ug clearance si Bihag ug nagpadala na ug notice sa Department of Interior and Local Government.
Gihulagway usab sa Mayor, nga usa ka passionate nga public servant si Bihag, hilabi na sa matang sa pagdumala sa Disaster Risk Reduction ug subay niini gikalipay usab ni Ouano ang pagkapili sa Kapitan isip usa ka Mandauehanon nga maayu sa sa maong tahas.
Samtang sa pikas bahin, mo hulip usab sa Kapitan mao ang first councilor sa Barangay Cubacob nga si Alex Borbajo, gisugyot usab sa Mayor nga ang konseho na sa barangay ang bahala sa kung kinsay pilion nga mo hulip sa bakanteng posisyon sa mga konsehal.
