PROVINCE OF CEBU-Mipahigayon ang kagamhanang lalawigan sa Sugbo og panagtigom aron tukion ang proyektong Metro Cebu Expressway.
Ang maong panagtigom kay gipahinabo sa Kapitolyo sa Sugbo nga gipangulohan ni Cebu Provincial Governor Gwendolyn Garcia uban ni Ruben Camba, ang Director for Infrastructure in Southeast Asia sa kumpanyang ACCIONA ug mga representantes gikan sa Japanese Taisei Corporation.
Gihisgutan nila niii ang Financial Viability Study sa Metro Cebu Expressway.
Lakip sa mga mitunga aron sa paghatag sa ilang habig kay sila Consolacion Municipal Mayor Teresa “Nene” Alegado, Liloan Municipal Mayor Aljew Frasco, Compostela Municipal Mayor Feljur Quiño, mga representantes gikan sa dakbayan sa Naga, dakbayan sa Talisaym dakbayan sa Sugbo, lungsod sa Minglanilla ug mga opisyales sa mga buhatan sa Department of Environment and Natural Resources – Environmental Management Bureau (DENR-EMB), Department of Public Works and Highways (DPWH), Land Transportation Office (LTO), ug Land Transportation Franchising and Regulatory Board (LTFRB).
Nagtumong kini sa pagtakdo sa mga plano sa nagpadayong proyektong nga mahimutang sa pusurang bahin sa lalawigan sa Sugbo (ilabi sa bukirang mga dapit) nga adunay gitas-on sa 73.7-kilometros nga magkonektar sa dakbayan sa Danao sa amihang lalawigan hangtod sa dakbayan sa Naga sa habagatang probinsya.
