CEBU PROVINCE-Nakigpulong ang kagamhanang lalawigan sa Sugbo ngadto sa Cebu-Cordova Link Expressway Corporation (CCLEC) kabahin sa sugyot nga malangkob ang Kapitolyo sa representasyon sa Toll Regulatory Council (TRC) sa ikatulong taytayan sa Mainland Cebu ug isla sa Mactan.
Sa maong pakigpulong kay gitambongan ni CCLEC President ug General Manager Allan Alfon, Cordova Municipal Mayor Cesar Suan, ug ni Cebu Provincial Governor Gwendolyn Garcia.
Naghisgot kini sila sa paglangkob sa kagamhanang lalawigan sa decision-making body ilabi na sa toll collection sa Cebu-Cordova Link Expressway (CCLEX).
Matod niini nga mahitungod kini ay kadaghanan sa mugamit sa CCLEX nga nagbayad a toll fee kay mga konstituwente sa lalawigan.
Ang kasamtangang langkob sa Toll Body kay ang Metro Cebu tri-cites sa dakbayan sa Sugbo, Mandaue, ug Lapu-Lapu nga dili direktang ubos sa pagdumala sa Kapitolyo.
Sa pagkakaron, ang TRC kay adunay lima a miyembro diin tulo niini ang appointed sa CCLEC management.
Sa pikas bahin, mipasiguro ni GM Alfon nga ang kagamhanang lalawigan ug CCLEC kay abli sa posibilidad sa pag-amend niini sa kasamtangang konseho aron ma-accommodate ang duha ka posisyon para sa Kapitolyo.
Sa samang higayon, ang mga opisyales kay naghisgot sab sa planong development sa usa-ka ektaryang luna nga nahimutang sa tiilang bahin sa CCLEX bridge pabor sa lungsod sa Cordova kansang gidonar ngadto sa kagamhanang lalawigan sa Sugbo.
