Nangandam na ang Naga Municipal Police Station sa umaabot nga pagselebrar sa kalag kalag 2025 diin pipila ka mga ginadili ang ilang ipatuman sa lima ka sam-ang sa dakbayan sa Naga.
Mao kini ang gipaambit ni PCapt. Carlos Narca, ang Deputy Chief Operations sa Naga Police Station, Cebu nga ang lima ka mga menteryo kay butangan og table police stuff desk diin sa mga pampublikong sementeryo kay adunay ibutang nga 8 ka mga personnel samtang ang mga pribado kay adunay 4 ka personnel.
Ingon man nga lain usab ang mga personahe nga ibutang sa gawas nga bahin sa mga sam-ang nga adunay distansya aron sa pagsiguro usab ang kalinaw ug kahapsay.
Gisaysay usab ni PCapt. Narca ang mga angay buhaton kon gani mobisita sa mga sam-ang ug nag-una niini ang pagdili sa pagdala og mga hait nga hinagiban, mga sound system, ug ilimnong makahubog.
Diin adunay ipatuman usab nga liquor ban nga magsugod sa kadlawn sa Oktubre 31 ug molungtad kini hangtud sa Nobyembre 3.
Gihimug-atan sa opisyal ang kamahinungdanon sa pagdili sa ilimnong makahubog gumikan usa kini sa mga nag-unang hinungdan nga makamugna og kagubot ug kasamok tungod kay mawad-an og kontrol sa ilang kaugalingong panimuot.
Busa, pahimangno niini sa mga Nagahanon nga mosunod ug magmatngon sa mga polisiya nga ipatuman aron mahuman ang kalag-kalag nga malinawon.
