CEBU PROVINCE-Labing minos 1,500 ka law enforcement personnel ang gipakatap sa Carcar City aron masiguro ang kaluwasan ug seguridad sa Pasigarbo sa Sugbo 2023.
Sila ipakatap sa palibot sa siyudad 24/7 ug magpabilin sa standby hangtod mahuman ang kalihokan.
Matud ni Police Major Nolan Tagsip, ang tigpamaba sa CPPO officer-in-charge nga si Police Colonel Noel Flores, nga isaka na sa Cebu Police Provincial Office ang ilang alert status gikan sa normal ngadto sa full alert nga nagpasabot nga ang tanang police station sa lalawigan sa Sugbo wala nay gitugotan nga maka leave ug kinahanglan nga naa lang kini sa ilang buhatan.
Dugang pa, nga ang mga personnel gikan sa Philippine National Police, Armed Forces of the Philippines, Philippine Navy, Philippine Coast Guard, National Bureau of Investigation, Philippine Drug Enforcement Agency 7, Land Transportation Office, Land Transportation Franchising and Regulatory Board (LTFRB 7) ug Carcar City Hall ipakatap sa adlaw sa Pasigarbo sa Sugbo.
