CEBU CITY-Gibutyag sa Director sa Cebu City Police Office (CCPO) nga si Police Colonel Ireneo Dalogdog nga ang lalaki sa litrato nga ilang gipakatap sa publiko mao ang ilang gi konsiderar nga person of interest sa pag patay sa 19 anyos nga biktimang si Reah Mae Tocmo.
Nasayran nga ang lalaki sa litrato mao ang nagbaligya sa cellphone ni Tocmo ngadto sa usa ka cellphone dealer kinsang ni surrender sa maong cellphone ngadto sa mga kapulisan.
Dugang pa sa opisyal, nga deleted na ang tanang unod sa cellphone sa dihang gi turn over kini sa lokal nga kapulisan, apan nasayran sa cellphone dealer nga si Tocmo ang tag-iya niini sa dihang iyahang nakita ang litrato sa biktima sa maong cellphone.
Kumpirmado usab sa amiga ni Tocmo nga panag-iya gayud sa biktima ang maong cellphone.
Samtang, nanawagan si Dalogdog sa katawhan nga kung si kinsa man ang aduna kasayuran kabahin sa POI, makig-alayun sa ilahang buhatan aron sa ingun mahatagan og kalinawan ang nahisgutang kaso ug mahatag ang hustisysa sa Biktima.
