-- ADVERTISEMENT --
CEBU CITY — Giimbestigaran sa mga kabumberuhan ang pagka-ugdaw sa usa ka karaang panimalay human niulbo ang dakong sunog kagahapon sa St. Jude Subdivision, Brgy. Bulacao, dakbayan sa Sugbo.
Nitumaw ang ka’yo gikan sa balay nga gipanag-iya ni George Tancinco hinungdan nga nakadawat og alarma ang mga sakop sa Cebu City Fire Station pasado alas-4 sa hapon.
Giisa kini sa mga bumbero ngadto sa 1st alarm ug napawong kini pagkalabay sa dul-an 20 minutos.
Matud ni Fire Chief Inspector Josephus Alburo, ang imbestigador sa Cebu City Fire Station, nga tulo ka mga pamilya o walo ka mga indibidwal ang apektado.
Gibana-banang mokabat ngadto sa P120,000 ang natalang danyos apan walay kinabuhing nakalas atol sa maong sunog.
-- ADVERTISEMENT --
