Nag-andam na og kasong cybercrime ang batok sa indibidwal nga luyo sa nag-post sa social media sa usa ka hulga sa pagpamusil nga miresulta sa kalisang ug pag-evacuate sa mga estudyante sa niadtong Huwebes, Hulyo 2, 2026.
Matod ni PLTCOL Franco Oriol, Deputy City Director for Administration sa CCPO, nga padayon ang imbestigasyon aron mailhan ug madakpan ang tawo nga nagpakaylap sa maong hulga online.
Gi-evacuate ang mga estudyante human makita ang screenshot sa hulga sa social media, gilayon nga gi-activate sa kapolisan ug sa administrasyon sa tunghaan ang mga safety protocol.
Makita sa mga littrato nga migawas ang mga estudyante gikan sa campus sa Cebu Eastern College samtang gisiguro sa mga awtoridad ang kaluwasan sa tanan.
Sumala sa mga report, walay naangol ug luwas ang mga estudyante, magtutudlo, ug empleyado sa eskwelahan.
Dili bomb threat, kundili shooting threat Una nga gikataho nga bomb threat ang insidente, apan sa dugang nga pagsubay sa kapolisan, nahibaw-an nga hulga sa pagpamusil diay ang gipakatag pinaagi sa social media.
Ang mensahe karon gi-review isip kabahin sa opisyal nga imbestigasyon sa kapolisan.
Mas hugot nga seguridad sa mga eskwelahan Ang insidente nahitabo sa panahon nga mas gipakusgan sa ang seguridad sa mga tunghaan tungod sa nagkadaghang kabalaka bahin sa school violence ug shooting threats sa nagkalain-laing lugar sa nasud.
Sa miaging mga adlaw, giingon usab ni Mayor nga gitan-aw sa syudad ang posibilidad sa active shooter drills ug uban pang emergency response measures sa mga eskwelahan.
