CENTRAL VISAYAS-Padayun nga gihingusgan sa kasundaluhan sa kabisayaan ang pag pukan sa mga walhong groupo, hinungdan nga ning bag-ohay lang tulo ka terorista sa NPA ang na-neutralize, ug upat ka armas ang nasakmit sa mga tropa sa gobyerno.
Kini human nakaengkwentro sa mga sakop sa 62nd Infantry Battalion ubos sa 303rd Infantry Brigade sa JTF Spear sa Brgy Montilla, Moises Padilla sa Negros, ang huyang nga kauban sa gerilya sa NPA, Central Negros 1 sa Komiteng Rehiyon Negros, Cebu, Bohol, ug Siquijor (KR NCBS), niadtong Hulyo 20.
Milungtad og mga 15 minutos ang engkwentro ug miresulta sa kamatayon sa duha (2) ka terorista sa NPA ug pagkarekober sa pipila ka mga kagamitan sa gubat, lakip ang usa (1) ka Cal. 45 nga pistola, usa (1) ka Cal. 357 nga pistola, ug daghang lain-laing buhing bala.
Gipasiugda ni Lieutenant General Benedict M Arevalo PA, ang Commander sa Visayas Command (VISCOM) nga kining mga pinakaulahing mga kapildihan nga nahiagoman sa CPP-NPA maoy usa ka testamento nga ang mga sundalo nagpabiling lig-un sa tinguha sa pagpukan sa lokal nga komunistang armadong panagsangka sa nasud, ilabi na sa Region-7.
Dugang pa, nga magpadayon ang ilang mga paningkamot, ilabi na nga nagkaduol na ang Barangay ug SK Elections, ug misaad nga makasalig ang katawhan sa tibuok Visayas region nga tutokan nila ang mga operasyong militar.
Gitino sa opisyal, nga dili nila tugutan ang CPP-NPA nga makabalda sa umaabot nga proseso sa eleksyon pinaagi sa pagpahimulos sa katawhan ug paghatag ug kahadlok sa rehiyon.
