CEBU-Hingpit ng nahuman ang filing sa mga Certificate of Candidacy sa mga indibidwal nga magpapili sa umaabot nga piniliay.
Diin nagmalinawon ug hapsay ang kinatibuk-ang walo ka adlaw nga walay natala nga dakong kagubot ug kasamok sa dakbayan ug probinsya sa Sugbo.
Kini maoy gipaambit ni City Director Police Col. Antonietto Ybañez Cañete nga bisan pa sa pagdagsa sa mga ni-file sa kataposang adlaw, sa kasagaran malinawon kining natapos.
Kini may kalambigitan sa ‘crime prevention’ and control nga gihimo sa Cebu City Police Office pinangulohan ni Cañete.
Kini aron mapalambo ang police visibility ug masiguro ang kaluwasan sa publiko palibot sa mga nag-unang convergence areas, ilabi na duol sa COMELEC Office sa dakbayan sa Sugbo.
Sama sa gipaabot, grabe ug kompetisyon ang mahitabo sa Sugbo human ang PDP-Laban Cebuana entrepreneur nga si Pamela Baricuatro misang-at og COC, diin si dismissed mayor Michael Rama niuban niya sa Comelec-Cebu provincial office aron mo-file og COC ug modagan pagka gobernador.
Nisang-at usab sa kandidatura pagka Bise Gobernador si kanhi DILG Usec Joselito Ruiz, ug ang iyang kaatbang mao si Board Member Glenn Anthony Soco.//
Ingon man nga upat ka politiko ang magtigi sa pagka-Mayor, sa dakbayan sa Sugbo ang magpapili diin mao sila Dismiss mayor Michael “Mike” Rama, Acting Cebu City Raymond Alvin Garcia, Incumbent Councilor Nestor Archival, ug Kanhi Customs Commissioner Yogi Felimon Ruiz.//
Samtang sa Kandidato sa bise mayor kay sila: Kanhi mayor Tommy Osmeña,Acting Vice mayor Donaldo “Dondon” Hontiveros, ug Atty. Joey Daluz
Napuno usab sa kamaya ang dumadapig kang Minglanilla Mayor Rajiv Enad sa pagkahibalo nga sila ni Bise Mayor Lani Peña kay walay kontra sa umaabot nga eleksyon.
