CEBU CITY-Gipahimangnoan ang katawhan sa Israel nga dili mangabli ug palungon ang mga suga kung ugaling adunay madungung nga kasikas sa gawas.
Kini ang gitino ni Leonalyn Gunting Barkan, ang Bombo International News Correspondent sa nasud nga Israel, nga gipanimangnuan sila sa Israel Government, nga sa matag higayun nga naa sila sa sulod sa ilahang balay kinahanglang nilang magpa ka arun ingnun nga walay tawo sa sulod ug mutago sa mga luwas nga lugar arun sa ingun kung makasulod ang mga terrorista sa ilahang panimalay dili sila direktang makita.
Dugang pa, nga basi sa impormasyon sa mga Israel Defense Forces, kung makasulod ang mga hamas terrorist sa panimalay ug walay makita nga tawo dili kini magdugay ug molakaw ra.
Sa pikas bahin, nahimo kaning emosyonal nga apil sa namatay si Paul Vincent Castelvi, 42 anyos nga taga Pampanga, gumikan kay kaila niya kini ug nakita pani niya usa ka semana sa wala pa ang pagpangataki sa hamas sa Israel.
Hinungdan nga hilabihan ang iyahang kakurat ug kasakit nga naapil kini sa namatay ug nipaabut kini ug pahasubo sa pamilya niini.
Nanawagan kini sa iyahang pamilya sa bohol nga dili kaayu mabalaka gumikan kay anaa ra sila sa luwas nga kahimtang kauban ang iyahang bana ug pamilya niini.
