Sa unang higayon, gibutyag ni Kaye Abad-Castillo sa publiko ang iyang journey sa pakigbisog sa breast cancer pinaagi sa gi-upload niini nga video atol sa iyang adlawng natawhan, Mayo 17.
Gipaambit niini nga kapin usa ka tuig na sukad nga na-diyagnos kini niadtong Enero 2025.
Ang aktres, kinsa nagpuyo na karon sa Cebu uban sa iyang bana nga si Paul Jake Castillo, mipaambit nga nagsugod siya sa pagsinati og grabeng sakit sa tiyan niadtong Setyembre 2024.
Sa ulahi, nadiskobrehan sa mga doktor ang mga bato sa apdo, nga gikuha dayon. Girekomendar dayon sa iyang gastroenterologist nga mopailalom siya sa mammogram tungod sa iyang edad.
Giangkon ni Castillo nga wala pa siya makaagi og mammogram kaniadto ug gipili nga i-postpone ang screening hangtod milabay ang mga holiday.
Niadtong Enero 2025, nakaagi siya sa iyang unang mammogram ug nakahukom ang magtiayon nga magpatambal sa Singapore, bisan kung ang vlog wala magbutyag sa piho nga mga detalye bahin sa mga pamaagi.
Apan, nagpakita kini og mga emosyonal nga mga clip sa aktres nga naghilak nga nagpahayag nga siya karon usa ka survivor ug wala nay kanser.
