Nakalaya na gikan sa Cebu City Jail sila si Albuera, Leyte Municipal Mayor Rolan “Kerwin” Espinosa ug kaubanan human gibawi sa Regional Trial Court Branch 14 dinhi sa Cebu ang gahum sa arrest warrest kay sa matod pa sa kakuwang sa hurisdiksyon.
Nakagawas si Espinosa gikan sa prisohan sa dakbayan sa Sugbo niadtong Miyerkules sa hapon, Pebrero 11, 2026.
Kahinumduman nga niadtong Pebrero 5 kay boluntaryong misurrender si Espinosa ug kaubanan sa buhatan sa National Bureau of Investigation (NBI) Cebu sa alegasyong kasong pagpatay niadtong 2024 sa Baybay City.
Sumala pa sa ebalwasyon sa korte nga gibawi niini ang giisyung arrest warrant tungod sa kakuwang sa hurisdiksyon niini diin ang krimen kay wala nahitabo sa Sugbo.
Gani sa iyang bahin nagpadayag og pasalamat si Espinosa sa iyang gipamulong nga inosente siya sa maong alegasyon.
