Gikatakdang mag-training sa US si Gilas Pilipinas player Kevin Quiambao alang sa NBA Summer League.
Human makaduwa sa Korean Basketball League, wala gihapon siya mawad-i og paglaom sa pagpadayon sa iyang propesyonal nga ambisyon.
Diin ang 23-anyos nga si Quiambao nibalik na sa Pilipinas aron mag-recharge ug gipaabot nga moadto sa US gikan sa Hunyo hangtod sa Hulyo.
Magsugod ang NBA Summer League sa Hulyo 10 hangtod 20 sa Las Vegas, Nevada.
Nakadawat siya og suporta gikan sa tag-iya sa Korean Basketball team nga si Lee Kwangsoo nga mouban niya sa US.
Nasayran nga hangtod sa 2027 ang iyang kontrata sa South Korean Skygunners team ug dugang pa niini, gikatakda usab siyang moduwa sa Gilas Pilipinas national team sa FIBA Asia Cup 2025 nga ipahigayon sa Agosto sa Saudi Arabia.
