Mosalmot ang Kingdom of Jesus Christ (KOJC) nga gipangulohan ni Pastor Apollo Quiboloy sa Enero 13 sa ipahigayon nga peace rally sa Iglesia ni Cristo (INC) sa Quirino Grandstand, Manila.
Sa pamahayag sa KOJC, ilang giingon nga giila ni Quiboloy ang lakang sa INC sa pagtigom og minilyon ka mga tawo, apil na ang ubang grupo.
Gikatahong nangita sila og kalamdagan sa huna-huna sa katawhan alang sa kalinaw ug kahapsay.
Gusto usab sa KOJC nga usa ka makatarunganon nga lider ang manguna sa nasud, ilabi na sa panahon sa kangitngit.
Samtang, gipahibalo sa Presidential Communications Office (PCO) nga suspendido ang klase sa mga buhatan sa gobyerno ug tanang level sa pribado ug pampublikong tunghaan sa mga dakbayan sa Manila ug Pasay karong Enero 13, 2025, adlaw nga Lunes subay sa Memorandum Circular No. 76.
Diin tumong niini aron mahatagan og dalan ang hapsay nga pagpahigayon sa “National Rally for Peace” nga gipaabot nga tambongan sa daghang mga tawo.
