Gibarugan sa House of Representatives nga dili kini magpaapekto sa giingong politikal nga hulga sa Partido Demokratiko Pilipino (PDP) kalabot sa gikatakdang botohan sa impeachment batok kang Vice-president Sara Duterte karong Lunes, Mayo 11.
Sumala kang Deputy Speaker Paolo Ortega V, ang mga kongresista dili mahadlok, ma-blackmail, o mapugngan sa pagtuman sa ilang konstitusyonal nga katungdanan, lakip na ang paghisgot ug pagbotar sa mga reklamo sa impeachment.
Ang maong pahayag migawas human sa pasidaan sa PDP nga ang mga magbabalaod nga mobotar pabor sa impeachment ni VP Sara mahimong maapil sa blacklist ug mahimong kontrahon sa sunod nga eleksyon.
Gipasiugda ni Ortega nga ang House of Representatives nagbarog sa tingog sa katawhang Pilipino, ug dili sa interes sa usa ka partido nga, sumala niya, naningkamot nga mabawi ang iyang impluwensya sa politika.
