Nagtaho ang Philippine National Police (PNP) nga ang gidaghanon sa krimen sa Pilipinas mikunhod og 20.6% sa miaging tulo ka bulan sukad sa paglusad sa Safer Cities Initiative.
Sumala ni PNP Public Information Officehief Col. Allen Rae Co, bisan pa man og adunay sunod-sunod nga bag-o ug viral nga mga krimen, ang opisyal nga statistics nagpamatuod nga ang nasud mas luwas karon kon itandi sa miaging mga bulan.
Gikan sa Abril 6 hangtod Hulyo 4, 2026, ang natala nga focus crimes mikunhod ngadto sa 7,883 kon itandi sa 9,506 ka mga kaso sa miaging tulo ka bulan o gikan sa Enero 6 hangtod Abril 5.
Lakip sa natala nga pagkunhod mao ang carnapping, pagpanglugos, physical injury, pagpanulis, homicide, pagpangawat, ug pagpatay.
Gipasabot sa PNP nga kining positibong resulta sa mosunod nga mga lakang, ang Safer Cities Initiative nga nagtumong sa pagpalig-on sa seguridad sa mga siyudad, dugang pagbantay ug presensya sa pulis sa mga komunidad, 21.74% nga pagtaas sa mga pag-aresto sa mga violator sa lokal nga mga balaod sama sa pag-inom sa mga pampublikong lugar, paggamit og karaoke human sa oras sa trabaho, ug curfew para sa mga menor de edad.
Sumala sa PNP, ang mga pag-aresto sa mga violator nakatabang sa pagpugong sa mas seryoso nga mga krimen bisan wala pa kini mahitabo.
Giangkon usab sa PNP nga adunay pipila ka makapakurat o talagsaon nga mga krimen nga nahitabo sa miaging mga adlaw nga dali nga mikaylap sa social media.
Bisan pa, gipasiugda sa PNP nga wala kini magpakita sa kinatibuk-ang sitwasyon sa nasud tungod kay ang kinatibuk-ang datos sa krimen nagpadayon sa pagkunhod.
