30 ka dagkong pundok sa negosyante sa nasud ang kusganong mikondenar sa kaylap nga kurapsyon sa gobyerno.
Sa hiniusang pamahayag nga giluwatan sa mga pundok sa negosyo, nanawagan sila sa mga kurakot nga opisyal nga hunongon na ang kurapsyon ug kaluy-an ang nag-antos nga katawhan.
Gihangyo usab sa mga grupo sa negosyo nga ang usa ka independent body nga maghimo usa ka hingpit nga imbestigasyon aron gukdon ang mga kurakot nga opisyal, mapriso sila, ug mabawi ang ilang kinawat nga pondo.
Kalabot niini, ang mga grupo sa negosyo nisugyot og 6-point action plan lakip na ang pag-ila sa mga sad-an sa pagpangawat sa katawhan, pagsuporta sa citizen ug voter education campaigns aron mahibaw-an sa publiko ang dautan sa korapsyon ug uban pang dili maayong binuhatan sa pagdumala, pagtigom og ebidensya sa korapsyon batok sa mga opisyal sa gobyerno ilabina sa Department of Public Works and Highways, mga lokal nga gobyerno ug mga pribadong sektor nga makahimo sa criminal ug civil cases.
Girekomenda usab sa grupo ang pag-blacklist sa mga banggiitang negosyante ug mga kontraktor nga nakigkunsabo sa mga kurakot nga politiko ug opisyal, nga nanguna sa indibidwal nga pagpirma sa Integrity Pledge nga nagsaad nga dili suborno ang mga politiko o opisyal sa gobyerno baylo sa paghatag og mga proyekto o pabor ug gidasig ang sektor sa panalapi ilabi na ang mga bangko ug ang Anti-Money Laundering Council nga iyagyag ang mga money launderers ug ang ilang wala mahibal-an nga bahandi.
Ang grupo nihimo sa panawagan taliwala sa mga anomaliya sa DPWH flood control projects nga giingong naglambigit sa pipila ka mga magbabalaod ug mga kontraktor.
Lakip sa mga organisasyon sa negosyo nga mipirma sa hiniusang pahayag mao ang:
Alliance of Women for Action towards Reform (AWARE),
Alyansa ng Nagkakaisang Mamamayan (ANIM),
Association of CPAs for Sustainability Inc. (ACPAFSI),
Brotherhood of Christian Businessmen and Professionals (BCBP),
Cebu Business Club (CBC),
Cebu Chamber of Commerce and Industry (CCCI),
Cebu Leads Foundation (CLF),
Chamber of Commerce of the Philippine Islands (CCPI),
Connected Women,
Employers Confederation of the Philippines (ECOP),
Federation of Philippine Industries (FPI),
Filipina CEO Circle (FCC),
Financial Executives Institute of the Philippines (FINEX),
FinTech Alliance Philippines,
Green EDSA Movement (GEM),
Iloilo Economic Development Foundation, Inc. (ILED),
Institute for Solidarity in Asia (ISA),
Institute of Corporate Directors (ICD),
Justice Reform Initiative (JRI),
Management Association of the Philippines (MAP),
Military and Uniformed Personnel for United Philippines (MUP),
Nextgen Organization of Women Corporate Directors (NOWCD),
People Management Association of the Philippines (PMAP),
Philippine Chamber of Commerce and Industry (PCCI),
Philippine Exporters Confederation, Inc. (PHILEXPORT),
Philippine Institute of Certified Public Accountants (PICPA),
Philippine Women’s Economic Network (PHILWEN),
Semiconductor and Electronics Industries in the Philippines Foundation, Inc. (SEIPI),
Shareholders’ Association of the Philippines (SHAREPHIL), ug
Women’s Business Council Philippines (WBCP).
