CEBU CITY — Gibutyag ni Cebu City Mayor Edgardo Labella nga andam kining maminaw sa habig sa grupo sa mga nanag-iya ug e-scooter subay sa hangyo sa grupo nga di lang unta matod pa i-ban ang mao klase sa sakyanan.
Una niini adunay kamandu-an ang Department of Transportation (DOTr) kalabot sa pag-regulate sa mga e-scooter nga magdagan sa mga highways gumikan sa ka-delikado niini nga ma-disgrasya gawas nga wa’y rehistro.
Kini nga kamandu-an ang gipatuman usab sa Land Transportation Office.
Gani dinhi sa Sugbo, una nang gipasabot ni LTO-7 Director Victor Caindec nga igo lang silang nipatuman sa maong kamandu-an diin naghulat pa usab ang ahensiya sa kumpletong guidelines sa maong order.
Tungod niini, gitahasan ni Labella si Atty. Jerry Carillo sa pagpakigkita ngadto sa mga nanag-iya og e-scooter aron hisgutan ang mga concerns.
Kini aron masiguro gayud ang ilang kaluwasan isip alternatibong matang sa sakyanan nunot na sa limitadong gidaghanon sa mga nagdagan nga PUVs sa dalan.
Ning kasamtangan, segon kang Caindec nga i-impound sa taga LTO ang mga magdagan nga e-scooter sa nag-unang kadalanan sa dakbayan sa Sugbo.
Subay niini ni-komento ang pipila sa mga nanag-iya ug e-scooter nga di lang una ipatuman ang maong lakang sanglit gamit kaayo ang maong sakyanan karon nga adunay pandemya.
