Niabot na sa 24 ang ihap sa nangamatay sa grabeng baha sa Texas, USA. Nagbilin usab kini daghang mga batang babaye nga nahanaw gikan sa usa ka Christian summer camp.
Usa ka dako nga search and rescue operation ang gihimo sa estado, lakip sa mga nawala mao ang 25 ka mga bata nga usa sa 750 nga mga babaye nga nagtambong sa Camp Mystic sa gawas sa lungsod sa Kyrrville sa amihanan-kasadpan sa San Antonio, Texas.
Usa ka pasidaan maykalabut sa baha ang gi-isyu samtang ang Guadalupe River nisaka sa 26 feet sa wala’y usa ka oras, nagbanlas sa mga mobile home, mga awto ug mga holiday cabin diin ang mga residente naggugol pa pag Hulyo 4 nga katapusan sa semana ug ang holiday sa American Independence Day.
Usa ka State of Calamity ang gideklarar lakip ang mga Hill Country ug Concho Valley regions, diin daghang mga dalan ang nabanwas ug ang mga linya sa komunikasyon nawala.
Nunot niini, gitawag ni US President Donald Trump ang trahedya nga makakurat ug makalilisang. Busa, ang White House nisaad og dugang nga tabang sa mga naapektuhan sa makagun-ob nga baha sa estado.
Ang pagpangita sa mga biktima magpadayon gamit ang mga helicopter, drone ug mga bangka hangtod nga maisip ang tanan nga nawala nga mga tawo.|Bombo Irene Ardiente
