Patay ang labing menos 39 ka mga indibidwal, ug kapin sa 50 ang nasamdan kaniadtong Sabado sa usa ka stampede atol sa political rally nga gipahigayon sa Tamilaga Vettri Kazhagam, partido ni Vijay, nga nangampanya alang sa eleksyon, ang minister sa Tamil Nadu niingon.
Gikabutyag ni Tamil Nadu Chief Minister M.K. Stalin nga sa pagkakaron, adunay 39 ka mga tawo ang namatay, lakip ang 13 ka lalaki, 17 ka babaye, 4 ka lalaki, ug 5 ka babaye – samtang 51 ka tawo, lakip ang 26 ka lalaki ug 25 ka babaye, ang nakadawat og intensive treatment
Si Vijay, usa sa labing bangkable nga aktor sa sinehan sa Tamil sulod sa tulo ka dekada, ug nakadani sa daghang mga tawo sa iyang mga miting sa publiko sukad sa paglansad sa iyang partidong politikal kaniadtong 2024, nga gipunting ang nagharing partido sa estado nga DMK ug ang Bharatiya Janata Party ni Punong Ministro Narendra Modi.
Ang mga video nga nikatap online nagpakita sa libuan nga mga tawo nga naglibot sa usa ka dako nga campaign vehicle sa ibabaw diin si Vijay makita nga nagtindog ug nagsibya-sibya.
Atol sa rally, gipakita sa mga biswal nga si Vijay naglabay og mga botelya sa tubig gikan sa ibabaw sa sakyanan ngadto sa kakuyapon nga katawhan nga nangsalmot ug nanawagan og tabang sa kapolisan sa dihang ang panon sa katawhan nahimong dili na mapugngan.
Nunot sa panghitabo, naghatud og pahasubo si Vijay sa mga nabiktima sa maong wala damha ang panghitabo.
Labing menos 44 nga mga doktor gikan sa kasikbit nga mga distrito sa Tiruchirappalli ug Salem gipadala sa Karur, alang sa dinaliang tabang medikal.
Samtang, sa gipahigayon nga press briefing gahapong adlawa, Setyembre 28, si Stalin nag-ingun ang hinungdan sa nahitabong stampede sa political rally, iyang gikabutyag nga ang Tamil Nadu nagtudlo sa usa ka komisyon nga gipangulohan sa retiradong huwes nga si Aruna Jagadeesan aron imbestigahan ang insidente ug isumite ang usa ka taho sa gobyerno, pagkahuman ang dugang nga aksyon himuon.
Dugang pa niya nga ang matag kabanay sa mga biktima makabaton o maka angkon og 1 milyon nga Indian rupees ($11,280) matag usa.
Sa maong insidente, dili kini ang unang higayon nga ang mga rally ni Vijay nag-atubang sa mga kabalaka sa kaluwasan, kay adunay dili mominos unom ka kamatayon ang gikataho sa media human sa unang tigom sa iyang partido politikal dihang gilusad kini niadtong Oktubre sa niaging tuig.
