CEBU CITY-Nag-atubang sa kasong pagpamligya og paghupot sa ginadiling drogas ang 38-anyos nga nalakip sa High Value Individual list sa kapulian human kini nakuhaan og gituohang shabu nga nagkantidad og P3.4 milyones nga adunay gibug-aton nga kapin sa 500 grams atol sa gipahigayon nga buy-bust operation sa Sitio Tugas, Barangay Cogon Pardo ning dakbayan sa Sugbo.
Giila ang maong suspetsado nga si John Rey Tello nga lumulupyo sa naasoy nga dapit.
Gani, nagtingkagol kini karon sa Inayawan Police Station samtang gihikay na ang mga nahisgutang kaso batok kaniya.
Sa pikas bahin, sikop usab sa Labangon Police Station ang suspetsado nga si Albert Kinn Punay alyas ‘Boss Yawa’ diin nakuhaan kini gituohang shabu nga mobalor sa dul-an tunga sa milyon pesos lakip usab niini ang buy-bust money.
