Estudyuhan karon sa Provincial Capitol og precautionary measures alang sa pakigbatok sa Novel Corona Virus, bisan paman og wala kining virus nakasulod sa Pilipinas.
Gihimug-atan ni Cebu Provincial Governor Gwendolyn Garcia nga importante gyud nga tutulan ang pre-entry, ang entry ug ang pag-istar ilabina sa mga langyaw nga mubiyahe-ay.
Hinoon, gitino sa gobernador nga duna namay mga precuationary measures nga gihimo ang tugpahanan hinungdan nga monitoring usab ang angayang panghingusgan niini.
Gani dason sa governor nga importante alang usab sa mga pasahero nga tagaan og importansya ang health declaration card.
Angayang gyud kini matud pa tan-awon kung nakapula ba ug ang muhiling niini siguroon nga ila kining makita ug dili lamang itambak.
Makig-alayon usab ang gobernadora sa mga hingtungdan ahensya kalabot niini.
‘Maayo ang gibuhat sa China’
Gidayeg ni Gov. Garcia ang mga gihimo nga lakang sa nasud nga China aron di na mokatap lukop kalibutan ang gikahadlokan nga NCov.
Si Garcia nagkanayon nga iya kining gidayeg ang gihimo nga ‘security measures’ sa maong nasud partikular na ang pag lock down sa pipila ka syudad sa China ingon man ang travel ban.
Kini aron di na makagawas-gawas o yano nga makabyahe ang mga Chinese samot na sa mga apektado nga lugar.
Gibutyag ni Garcia ang maong pamahayag atol sa gipahigayon nga coordination meeting uban sa mga concern agencies.
Kini aron palambuon pa ang seguridad sa probinsya nga di masudlan sa 2019 novel coronavirus.
