CEBU CITY- Gipusil patay ang usa ka lakin-on nga miyembro sa LGBTQ+A sa Sitio Chicago, Barangay Duljo-Fatima, Dakbayan sa Sugbo pasado alas 2 sa kaadlawon karong adlawa, Nobiyembre 7, 2024.
Sa pakigsusi, gipusil kini sa wala pa mailhing duha ka mga armado nga lalaki.
Giila ni Police Major Efren Diaz, ang hepe sa Mambaling Police Station 11 ang biktima nga si Wendolyn Abella, 32-anyos og lumulupyo sa na asoy na dapit.
Matod ni Diaz, nga nakadawat og tawag ang mga operatiba bahin sa pagpamusil ug pag-abot sa dapit, ilang naabtan ang biktima nga nagbuy-od nga wala nay kinabuhi nga adunay samad sa lawas.
Dugang pa niini, nga basi sa ilahang inisyal nga imbistigasyon, posibling illegal drugs ang motibo sa maong pagpatay.
Kini gumikan kay adunay nakuha nga ‘Drug paraphernalia’ ang taga Scene of the Crime Operatives nga nagproseso sa crime scene samtang nagpadayon ang imbestigasyon sa pagpatay.
Narekober usab sa crime scene ang duha ka slug ug upat ka kabhang sa kalibre 45 nga pistola.
Padayon pa gihapon nga gisuta sa kapulisan ang hinungdan sa pagpatay niini, apan aduna na silay Person of Interest.
