Isip kabahin sa ilang divorce agreement sa iyang kanhi asawa, ang usa ka lalaki sa Türkiye mitugot sa pagbaya og 10,000 Liras ($240) matag tulo ka buwan isip child support sa ilang duha ka binuhing iring.
Ang lalaki kay giilang si Buğra B. nga residente sa Istanbul, Turkiye ang miduso sa gikasabutang dibosyo sa iyang asawa nga si Ezgi B. tungod sa daw severe incompatibility nga nakapaguba sa pundasyon sa ilang kaminyuon.
Hinuon ang duha ka habig nagkasabot nga natapos ang ilang kaminyuon apan adunay pakapin nga compensation o alimony sa usag-usa nga nakapahibong og katalagsaun sa ilang kasabutan.
Kini kay matod pa sa dokumento nila nga ang bana misugot sa pagbalhin sa kustodiya sa ilang binuhi nga duha ka iring sa iyang asawa apan padayong mudalit og pinansyal nga obligasyon aron sa maintenance sa ilang “fur-babies”.
