CEBU CITY- Nagtingkagol karon sa prisohan sa Parian Police Station 1 usa ka lalaki nga nasakpang nanglungkab sa usa ka water vending machine nga nahimutang sa may sikatuna st. Brgy. Day-as, Cebu City.
Giila ang lalaki nga usa ka 54 anyos nga lalaki, residente sa Brgy. Ermita ning syudad sa sugbo human masikop sa mga duty tanod sa Brgy. Day-as sayo sa buntag niadtong Pebrero 17, 2025.
Basi sa imbistigasyon sa Parian police station, alas 5 sa sayong kabuntagon sa parehong adlaw, nahikurat na lang ang 45 anyos nga babaeng tag-iya sa usa ka water vending machine human nga pwersahan nga giguba sa suspek ug gikuha ang mga nagkadaiyang sinsilyo ug cash money sulod sa maong vending machine.
Hinungdan, nga gi review sa biktima ang CCTV ug nakuhaan og CCTV Footage ang identity sa maong suspek ug giunsa niya pag guba ang maong machine.
Gumikan niini, nangayo ug pakitabang ang biktima sa mga duty tanod nga niresulta sa malampuson nga pagkasikop sa suspek.
Nag-atubang sa kasong Robbery ang maong suspetsado human madakpi sa gipahigayong follow up operation sa mga sakop sa kapulisan.
Samtang narekober sa mga tanod ang mga sinsilyo sa sa maong suspetsado nga mukabat sa PHP10,000.
