CEBU CITY- Gibutyag ni Merry Claire Bacus Pagligaran nga siya ang pag-umangkon sa usa ka lalaki nga napalgang patay sa Barangay Sudlon 1, dakbayan sa Sugbo alas 5 sa buntag Huwebes, Marso 6, 2025.
Giila niini ang patayng lalaki nga si Eugene Bacus 58-anyos ug lumulupyo sa Sitio Ilang-Ilang Brgy. Lagtang Dakbayan sa Talisay.
Gisaysay niini, nga wala silay motibo nga nakita sa pagpatay sa iyang uyuan gumikan kay matod pa wala silay nasayran nga kontra niini.
Ang maong biktima nag inusara og puyo sa iyang panimalay gumikan kay ulitawong guwang.
Apan gibutyag usab sa pag-umankon nga kining iyang uyuan mag gamitan sa ginadiling drugas.
Hinungdan, nga atong tuig 2020 na priso kini sa kasong may kalabutan sa drugas ug naka gawas kini tuig 2023.
Gitataw usab sa kabanay niini nga hantod sa wala pa mahitabo ang maong krimen nag gamitan gihapon kini sa gituohang shabu, apan wala kini namaligya.
Nanawagan kini ilabi na sa mga sakop sa kapulisan nga unta mahibaw-an ug madakpan na ang posibling nagbuhat sa pagpatay sa ilang uyuan aron mahatagan og hustisya.
Una niini, ang biktima nga si Eugene adunay samad pinusilan sa ulo og milapos sa iyahang nawong nga gituohang maoy hinungdan sa iyahang hinanaling kamatayon.(With Reports of Bombo Koky Cabatingan)
