TALISAY CITY-Patay ang usa ka lalaki human kini nabangga ang gimanehong sakbayan sa panimalay kilid sa kadalanan sa Sitio Libo, Barangay Mohon, sa dakbayan sa Talisay niadtong Huwebes Agosto 29, 2024.
Giila ang drayber nga si Alberto Villasis Jr., 41-anyos ug lumulupyo sa Barangay Tungkil sa silingang lungsod sa Minglanilla.
Matod pa sa City of Talisay Traffic Operations and Development Authority (CTTODA) nga pasado alas 4 sa hapon sa naasoy nga adlaw nabangga ang sakyanan sa panimalay ni Juanito Labroso, 78-anyos diin subay pa nga nagpabukal lang kini og tubig sa dihang nahitabo ang aksidente.
Hinuon mga gagmay samad lang ang naangkon ni Labroso apan guba ang dakong bahin sa iyang balay nga mimugna lamang sa mg light-materials.
Dugang pa sa imbestigasyon nga gikan sa Talisay si Villasis padulong sa Minglanilla og posibling paingon na unta kini mopauli, niadtong higayona gumikan usa kini ka drayber sa usa ka ride-hailing app.
Sumala sa mga saksi, ang sakyanan sa lalaki niliko sa wala ngadto sa tuo sa wala pa nibangga sa usa ka balay daplin sa dalan.
Dali pang gidala sa Cebu City South Medical Center ang drayber apan gideklarar kini nga dead on arrival sa nag-atiman nga tambalanan.
