Lalaki sa Davao, nag super Saiyan sa ibabaw sa Taxi

Nahibulong ang mga residente ug motorista human kalit nga mihunong ang usa ka taxi tunga sa dalan sa Buhangin, Davao City tungod sa usa ka lalaki nga mikatkat sa ibabaw niini ug nag-ambak-ambak pa.

Sa video nga gi-upload ni Grab Jay Bagul Obcial, makita ang usa ka lalaki nga daw nawad-an og control sa iyang emosyon ibabaw sa taxi samtang nagwara-wara ug gihubo pa ang iyang sinina.

Gihulagway sa uploader nga daw sama kini og nag-Super Saiyan susama kang Son Goku tungod sa lahi nga lihok niini.

Makita usab sa video nga naglisod ang driver sa taxi sa pagpanaog sa lalaki tungod kay dili gayud kini magpatuo.

Tungod sa insidente, nakahatag kini og kahadlok sa mga nakasaksi ug uban pang motorista nga nakaagi sa maong lugar.