LAPU-LAPU CITY, CEBU- Pormal nang giaprobahan sa Sangguniang Panlungsod sa kagamhanang dakbayan sa Lapu-Lapu ang P4.02-bilyones para sa fiscal yesr 2025 atol sa nahitabong regular session niini niadtong adlaw sa Miyerkules, Nobyembre 27, 2024.
Matod pa ni Lapu-Lapu City Councilor Annabeth Cuizon, chairperson sa Committee on Finance sa City Council diin ang kagamhanang dakbayan kay i-utilize ang maong budget para sa sunod tuig para sa konstruksyon sa mga bag-ong road networks aron adunay alternatibong routa sa lakat sa trapiko sa dakbayan aron mas mapalambo pa niini ang natad sa turismo ug lokal nga ekonomiya.
Dugang pa sa konsehal nga ang maong budget sab kay giumentohan ang alokasyon para sa health and social services niini sama sa medical assistance programs ug pagpalapad sa resources sa dakbayan.
Ang naasoy nga budget kay adunay pagsaka sa 30.94 porsyento kun itandi sa 2024 City Budget nga anaa lang sa P3.07-bilyones nga sa umaabot kay pormal nga lagdaan ni Lapu-Lapu City Mayor Junard “Ahong” Chan.
