NAGA, CEBU-Gitanggong karon sa Naga Police Station ang usa ka langyaw human kini nanumbag ug nanglabay og bato atol sa gipahigayon nga “Opening of Lights Pasko sa Naga” kagabie Disyembre 8 ngadto sa Barangay Poblacion East, Naga City.
Giila ang maong suspetsado nga si Sergio Corbalan, 52-anyos, usa ka latino american national nga nag puyo sa Brgy Tunghaan, Minglanilla Cebu.
Sa imbestigasyon sa kapulisan, gisumbag sa maong langyaw ang managsuon nga sina si Julius Reuyan, 36-anyos, nagpuyo sa Barangay Ilaya, San Fernando ug Andrea Reuyan Salidaga, 28-anyos, residente sa Barangay Bulacao, Cebu City.
Nasayran nga miadto sa Naga ang langyaw ug ang iyang asawa arun motan-aw sa mga pasuga apan nakainom ang langyaw ug nagkalalis sa iyang asawa ug nakuha ang atensyon sa mga katapad niini sa kan.anan kung diin matud pa nasuko ang langyaw gumikan milingi kini sa iyaha.
Ingon man nga giangkon sa hepe nga naglisod sila sa pagkontrol kang Corbalan, gumikan gikaon na kini sa iyang emosyon.
Sa kasamtangan, gihikayan og kasong 2 counts of Physical Injuries and Alarm and Scandal ang suspetsado ug buot kini ipasaka karong Lunes disyembre 11, 2023.
