Lawas sa usa ka lalaki nga gituohang miambak sa Marcelo Fernan Bridge nakaplagan na

Nakaplagan sa search and rescue operations team sa Mandaue City Disaster Risk Reduction and Management Office ang lawas sa usa ka lalaki nga gituohang miambak sa Marcelo Fernan Bridge niadtong Miyerkules, Enero 25, 2023.

Giila sa mga otoridad ang lawas ni Roel Jao, 23, human kini makita nga naglutaw sa ilawom sa taytayan karung adlawa Biyernes sa buntag, Enero 27, 2023.

Kini human sa kapin sa 24 oras nga gipangita sa mga rescuer ug retrieval personnel ang nawala nga tawo.