Gipaboran ni South Korean President Lee Jae Myung ang pag-usab sa sistema sa gobyerno sa nasud aron mahimo ang termino sa presidente nga upat ka tuig nga adunay posibilidad nga mapili pag-usab, samtang gibalhin ang pipila sa iyang mga gahum ngadto sa parlamento.
Sumala ni Presidente Lee, ang iyang baruganan sukad sa kampanya sa pagkapresidente sa 2022 mao nga ang konstitusyon sa South Korea, nga wala mausab sulod sa halos 40 ka tuig, kinahanglan na nga usbon.
Sa iyang sugyot, gusto niya nga pakunhuran ang gitawag nga “imperial presidency” pinaagi sa pagbalhin ngadto sa National Assembly sa pipila ka mga gahum sa pagpili sa Punong Ministro, mga pagtudlo, ug sa Board of Audit and Inspection.
Nipadayag ysab ang usa ka opisyal sa Blue House nga ang Presidente andam nga mub-an ang iyang kaugalingong termino kung gikinahanglan aron ipatuman ang reporma sa konstitusyon basi sa usa ka kasabutan tali sa lainlaing mga partido sa parlamento.
Ubos sa kasamtangang sistema sa South Korea, ang usa ka presidente limitado sa usa ka lima ka tuig nga termino nga wala’y katungod nga modagan pag-usab.
