CEBU CITY-Dili na ‘surprising’ kun dili na makakugang pa ang linog nga miigo sa Southern California partikular na sa Ridgecrest.
Kini ang gibutyag ni Bombo International correspondent Ike Durano, usa ka Pilipino apan usa na karon ka US Citizen nga naa sa navy ug nagpuyo sa Bay Area sa California.
Matud ni Durano nga ang estado nga California ang usa ka earthquake zone, gani ang Bay bridge ang gitangtang tungod sa gilauman nga the big one diin naghimo kini karon ug bagong tulay agig pagpangandam.
Apan bisan paman, ang estado sa California ang matud pa dagsaon sa kadaghanan. Daghan ang boot mupuyo sa California tungod sa kaanindot sa panahon, nindot ang ekonomiya ug daghan ang trabaho.
Tungod usab kay aware na ang mga lumulopyo nga linogonon ang maong lugar, walay mga balay didto ang ginama sa semento. Wala usab hurricane o bagyo sa California inay linog ra.
Subay niini, nanghinaot si Durano sa kaluwasan sa mga Pilipino nga nagpuyo sa maong area ug apektado sa linog.
Mi-awhag usab kini sa publiko nga i-ampo ang ang tanang naapektohan sa maong kalamidad.
