Nagpagawas ang Vatican og mga litrato sa katapusang pahulayan ni Pope Francis.
Kahinumduman nga sa kataposang hangyo sa mitaliwan nga Santo Papa, iyang gitumbok ang Basilica of St. Mary Major isip iyang kataposang destinasyon.
Basi sa impormasyon nga gipagawas sa Vatican, ang lubnganan sa Santo Papa ginama sa bato gikan sa Liguria, usa ka rehiyon sa Italy diin gikan ang mga apohan ni anhing Santo Papa.
Gisunod usab ang hangyo sa Santo Papa nga yano ra ang iyang kataposang pahulayan, nga ang pulong ‘Franciscus’ lang ang nakasuwat aron markahan ang lubnganan.
Makita usab ang reproduction sa pectoral cross sa anhing Santo Papa.
Ug ang lubnganan ni Pope Francis nahimutang duol sa Altar ni St. Francis sa maong Basilica.
Sa alas 4 sa hapon (oras sa Pilipinas) karong adlawa (Abril 26), ang patayng lawas ni Pope Francis, gikatakdang ihatod sa kataposang destinasyon.
