Ablihan pag-usab sa Commission on Elections (Comelec) ang lokal nga pagparehistro sa mga botante sa ikaduhang semana sa Nobyembre 2026 isip pagpangandam alang sa 2028 National ug Local Elections.
Matod ni Comelec Chair George Erwin Garcia, tumong sa Comelec nga madugangan og hangtod usa ka milyon ang gidaghanon sa mga rehistradong overseas voters.
Ang lokal nga voter registration magpadayon hangtod Hulyo 30, 2027, aron hatagan og igong panahon ang mga Pilipino nga bag-uhon o ibalhin ang ilang rehistrasyon, ingon man i-reactivate ang ilang voter status.
Gamiton usab sa Comelec ang maong panahon sa pag-update ug paglimpyo sa listahan sa mga botante, pag-imprinta sa final list ug paghatag og higayon sa mga kandidato nga masusi ang listahan sa mga rehistradong botante sa dili pa ang 2028 elections.
Sa pagkakaron, mokabat sa 71 milyon ang rehistradong botante sa nasud.
Gilauman usab nga mokabat sa tulo ka milyon ang mo-reactivate sa ilang voter registration, nga posibleng magdala sa kinatibuk-ang ihap sa mga botante alang sa 2028 elections ngadto sa 74 milyon.
