CEBU – Daghang mga residente sa lalawigan sa Bohol ang makatambong sa libreng theoretical driving course (TDC) classes gikan sa Land Transportation Office-Central Visayas (LTO-7) pinaagi sa e-Patrol Malasakit Program niini sa Tagbilaran City.
Sa usa ka pamahayag, nagkanayon si Victor Emmanuel Caindec, LTO-7 regional director, nga ang TDC alang sa mga bag-ong driver’s license applicants mahimong ma-avail sugod sunod semana.
Gikatakdang maggahin ang programa gikatakdang maggahin og kinatibuk-ang 2,000 ka scholarship slots alang sa mga residente sa Tagbilaran City, ug alang sa mga lungsod sa Dauis, Panglao, ug Garcia Hernandez.
Dugang slots ang igahin sa ubang LGUs sa Bohol sa pagkumpirmar sa pag-abli sa bag-ong LTO licensing center sa Island City Mall sa Tagbilaran City karong Mayo.
Samtang, gidasig ni Caindec ang mga Boholano sa pagpamilyar sa Land Transportation Management System (LTMS) online portal aron maka-avail sa CDE refresher course ug libre nga eksaminasyon.
