Gisuspenso og usa ka duwa ang bida sa Los Angeles Lakers nga si Luka Doncic human sa iyang ika-16 nga technical foul karon nga season.
Tungod niini, dili makaduwa si Doncic sa dula sa iyang team batok sa Washington Wizards karong adlawa.
Nakadawat og technical foul si Doncic sa ikatulong quarter sa 116-99 nga kadaugan sa Lakers batok sa Brooklyn Nets niadtong Biyernes. Diin nag-away sila si Doncic ug ang forward sa Nets nga si Ziare Williams human siya gitawagan og offensive foul.
Sumala sa liga, ang ika-16 nga technical foul sa usa ka player awtomatikong moresulta sa usa ka duwa nga suspensyon.
Ingon man nga gibanabana nga si Doncic mawad-an og $264,000 nga tinuig nga sweldo.
Ubos sa polisiya sa NBA, ang matag duha ka dugang nga technical fouls human sa ika-16 katumbas sa dugang nga usa ka duwa nga suspensyon.
Bisan pa niini, nagpabilin nga dominante si Doncic karong season, nga adunay average nga 33.7 puntos, 8.2 assists, ug 7.8 rebounds matag duwa. Siya ang nangulo sa Lakers, nga adunay 48-26 nga rekord ug kasamtangang ikatulo sa Western Conference.
