Nakadaog na usab og award sa international scene ang Mactan Cebu International Airport (MCIA).
Kini human ang Aviation networking firm nga Routes Online gihinganlan ang MCIA isip Best Airport in Asia 2022 sa Airline and Destination Marketing alang sa Under 5M Passengers category atol sa tinuig nga Routes’ Awards nga gipahigayon sa Chiang Mai, Thailand sa Pebrero 15, 2023.
Gidayeg usab ang mga paningkamot sa mga operator sa tugpahanan sa pagsuporta sa mga airlines partners ingon man pagtubag sa panginahanglan alang sa mga serbisyo sa kahanginan.
Gawas sa MCIA, ang Department of Tourism (DOT) sa Pilipinas nidaog usab sa Routes Awards 2023 alang sa Destination Category.
Samtang, ang sikat nga Changi Airport sa Singapore migawas isip Overall Winner sa Routes Awards 2023, giingon sa Routes Online sa usa ka press release.
