CEBU CITY– Gilamoy sa kayo ang pipila ka mga panimalay sa Panagdait, Mabolo dakbayan sa Sugbo human nga gisunog sa duha ka managsoong ‘adik’ ang ilang balay nga maoy gigikanan sa kayo.
Basi sa inisyal nga report, nag-away ang duha ka managsoon nga wala pa mailhi ug dayong gisunog ang ilang balay. Suwayan unta kini og tabang sa silingan para mapawong ang kayo apan nani-on matud pa ang duha og kutsilyo sa kung kinsa man ang mudool, hinungdan nga mikatap ang kayo.
Gisaka sa 3rd alarm ang kayo nga nagsugod pasado alas 3 sa adlaw nga Dominggo, Enero 26.
Gikataho usab nga namatay ang inahan sa mga suspetsado kinsang wala nakagawas gumikan kay dili kini kalakaw ug ingon man naapil usab ang usa ka lalaki nga dunay kakulian sa pangutok kinsang nakakadena sulod sa balay.
Gideklarar usab kini nga fire out pasado alas 9 na sa gabii. Nasikop ra hinoon dayon ang duha ka suspek.| report from Bombo Joan Gantalao
