CEBU CITY-Gipusil-patay ang 36-anyos nga mahuyang sa Block 5, Sitio Abellana, Brgy. Suba ning dakbayan sa Sugbo sa wala pa nitak-op ang unang adlaw sa tuig 2025.
Giila ang biktima nga si Allan Premacio nga tig-rebond og buhok ug lumad nga taga Buenavista Bohol.
Basi sa mga nakakita nga samtang nag-rebond ang biktima sa usa ka babaye nga customer kay giingong adunay nisabay nga usa ka lalaki nga nagsul-on og violet nga hoodie jacket ug walay pagduhaduha nga gipusil sa walang bahin sa ulo niini ug daling misibat ang suspek.
Atol sa pakighinabi sa igsuon ni Allan nga si Gege Camomot, diin emosyonal kini nga nanawagan og hustisya sa kamatayon sa iyang igsuon.
Dako ang ilang katingala tungod kay walay kasayuran si Gege nga adunay nakabikil o kaaway ang iyang igsuon gani naila niya kini nga buotan.
Dugang pa niini nga sa wala pa nahitabo ang pagpamusil kay nananghid kini sa iyaha nga moadto sa Pasil aron kitaon ang customer nga magparebond apan, natingala nalang usab kini nga wala na mabalik ug kon tawagan kay dili na makontak.
Wala usab damha ni Gege nga ang tawag nga iyang madawat kay ang pagpahibalo na kaniya ang nahitabo sa iyang manghud.
