Natanggong sa prisohan ang usa ka mahuyang human gipasanginlan nga nanguha kini og relo sa langyaw nga customer niini human siya wala bayri niadtong Hunyo 25, 2026 sa usa ka club sa Barangay Lahug, Dakbayan sa Sugbo.
Giila ang 31-anyos nga suspek mao si alyas “Jusa” nga taga Barangay Ermita ning Syudad.
Gireklamo ug gipadakop siya sa American National nga si alyas Vas, 40-anyos, minyo ug kasamtangang nagpuyo sa Barangay Kasambagan, Cebu City.
Sumala sa imbestigasyon sa Mabolo Police, nasayran nga niadtong Hunyo 21, pasado alas 3:00 sa kadalawn, giingung gikuha ni Jusa ang relo ni Vas dihang nibisita kini sa giabangan nga unit sa langyaw nga walay pananghid.
Niini lang Hunyo 25, nag-abot pagbalik ang duha ug nakahigayon sa pagkomprontasi ang langyaw ngadto kang Jusa mahitungod sa nawala niya nga relo kay duna kini ‘sentimental value’.
Giangkon usab kini sa suspitsado nga giprenda niya kini sa usa ka pawnshop ug ni demand kini sa langyaw nga mangayo og P3,000 para lukaton ug mauli kini.
Apan giingong nagduda ang langyaw hinungdan nga nangayo kini og tabang sa kapulisan ug gisundan nila si Jusa ug ilang nahibaw-an nga wa nalukat ang relo kay giprenda ra kini sa kilid kilid.
Atol sa pagpakighinabi sa Bombo Radyo Cebu, ni Jusa, miangkon kini nga iyang gibaligya og 800 ang relo sa langyaw kay giingong wala siya bayri human siya gipahimuslan.
Nanawagan usab ang suspek sa iyang giprendahan nga unta mauli ang relo, aron maoy yawi sa iyang kagawasan, dugang usab niini nga andam ra siya nga serbisyohan ang maong salaod kung ugaling pasakaan siya og kasong Robbery Extortion.
