Gisuportahan sa Malacañang ang pagpahigayon og halapad nga konsultasyon kabahin sa sugyot sa Department of Education (DepEd) nga ipatuman ang trimester system gikan sa Kindergarten hangtod sa Grade 12.
Sumala ni Presidential Communications Office Undersecretary—Palace Press Officer Claire Castro, ang pagbag-o nagpabilin nga usa ka sugyot ug ang DepEd karon naglatid sa posibleng mga benepisyo niini.
Gidugang ni Castro nga importante alang sa tanang stakeholders ug mga interesadong sektor nga hisgutan kini aron masayran ang labing maayo nga programa alang sa mga estudyante, ingun nga gipasiugda usab niya nga kinahanglan ang mas lawom nga mga pagtuon sa dili pa kini hingpit nga ipatuman.
Basi sa usa ka pagtuon sa Second Congressional Commission on Education (EDCOM II), si Education Secretary Sonny Angara miingon nga ang sistema sa trimester makatabang sa paghatag og mas taas ug mas flexible nga panahon sa pagtudlo, pagpagaan sa workload sa mga magtutudlo, ug pagpauswag sa kalidad sa edukasyon.
Ubos sa sugyot, ang tuig sa pag-eskwela bahinon sa tulo ka akademikong termino aron tugotan ang mas taas nga padayon nga pagtudlo ug mas maayo nga dagan sa mga leksyon.
