CENTRAL VISAYAS-Ipatuman sa Land Transportation Franchising and Regulatory Board, ang mandatory Drug-testing sa tanan nga mga Drivers ug konduktors nga anaa ubos sa mga prangkisa.
Kini subay sa mga bag-ong mando nga gipagawas sa Land Transportation Office, mahitungod sa mga mitumaw nga mga grabeng aksidente nga nahitabo sa mga kadalanan.
Mibutyag si Land Transportation Franchising and Regulatory Board, Regional Director Eduardo Montealto Jr., nga gipahimangnoan na nila ang mga operators sa mga prangkisa nga kinahanglan nga mo-sumiter og balido nga drug-testing kada-90 ka adlaw ang ilahang mga drivers ug konduktor una sila tugotan nga maka-drive sa mga pasaheroang sakyanan.
Dugang usab ni Montealto, nga sapagkakaron, dili pa kini fully-mandatory mahitungod kay gipaabut pa sa ahensiya ang implementing guidelines sa LTFRB, aron sutaon kung kinsa ang mo-sagubang sa bayrunon niini.
Sa pikas bahin, ghimug-atan usab niini nga mag-atubang gayud ug mga kaso sa kalapasan sa overspeeding ang sagad sa mga kaskasero nga mga drivers sa kadalanan ug ipatawag kini sa ahensiya, apil na usab ang pagpahamtang sa mga operators.
Kahinumdoman nga miluwat ug kamandoan ang Department of Transpotation, maylabut sa Road Safety Initiatives, sa nakalabayng adlaw, nunot usab sa mga nahitabong aksidente sa mga kadalanan. | Bombo Nathaniel Sandoval
