MANDAUE CITY – Hugot nga gimonitor sa City Health Office sa dakbayan sa Mandaue ang unom ka Persons Under Monitoring (PUM) sanglit gikan kini sa mga lugar nga adunay kaso sa Coronavirus Disease (COVID-19).
Lakip sa gi-obserbaran sa mga health personnel sa syudad ang usa ka OFW nga gikan sa nasod China.
Hinuon giklaro ni Mandaue City Health Officer Rosemarie Ouano Tirado nga wala’y angayang kabalak-an sa maong mga PUM sanglit dili man kini positibo sa coronavirus.
Giobserbaran lamang kini gumikan kay adunay travel history sa mga nasod nga adunay kaso sa COVID-19.
Gani sa pagkakaron wala’y simtomas ang unom sa maong sakit.
Gisiguro usab sa opisyal nga adunay insaktong pasilidad ang tagsa-tagsa ka nahimutangan sa maong mga PUM sanglit kung masuta nga wala’y insaktong mga gamit ang gi-istaran niini, i-endorso kini sa health personnel sa quarantine facility sa Sugbo.
