Gipahibalo sa National Grid Corporation of the Philippines (NGCP) nga adunay dyutay nga pagtaas sa transmission rate sa bayranan sa kuryente ning buwan sa Hulyo 2026 human sa pagtaas sa ancillary services (AS) rates og 10.18%.
Tungod niini, ang katumbas nga average transmission rate sa billing period sa Hunyo 2026 misaka ngadto sa P1.4604 kada kilowatt-hour (kWh) gikan sa P1.4492/kWh niadtong Mayo.
Sumala sa NGCP, ang ancillary services kay pass-through costs alang sa supply sa kuryente nga gihatag sa mga power generator nga nagsilbing ancillary services providers atol sa mga panahon sa supply-demand imbalance.
Giklaro usab sa NGCP nga wala kini kita gikan sa ancillary service charges tungod kay kini direktang gipasa sa mga generation companies.
Samtang, ang transmission wheeling rate, o bayad para sa paghatud og kuryente sa transmission grid, mikunhod ngadto sa ₱0.5058/kWh niadtong Hunyo gikan sa ₱0.5607/kWh niadtong Mayo. report ni Diane Lear
