Ipaubos sa red alert ang power grids sa Visayas ug Mindanao sulod sa siyam ka oras karong adlawa, Setyembre 3, 2026, tungod sa padayon nga pagsira sa mga dagkong planta sa karbon.
Sa giluwat nga advisory, ang National Grid Corp. of the Philippines (NGCP) miingon nga ang Visayas grid ubos sa red alert sulod sa 9 ka oras, gikan ganihang ala 1 sa hapon hangtod alas 10 sa gabii, samtang sa Mindanao nagsugod ganihang alas 12
sa udto hangtod alas 9 sa gabii.
Diin ang magamit nga capacity anaa sa 2,187 megawatts (MW), samtang ang peak demand gilauman nga moabot sa 2,575 MW.
Ang Unit 1 sa Therma Visayas Inc. ug Unit 3 sa Panay Energy Development Corp. nagpabilin nga napugos sa pag-outage, uban sa upat pa ka mga unit nga wala magamit karong bulana.
Matud usab nga gamay ang importasyon sa kuryente gikan sa Mindanao grid, nga dugang naglimite sa magamit nga kapasidad sa Visayas.
Sa Mindanao, ang magamit nga kapasidad mga 2,480 MW, ubos sa hiniusa nga mga kinahanglanon alang sa peak demand, contingency ug regulating reserves. Ang peak demand gilauman nga moabot sa 2,546 MW.
