Nisaka ang presyo sa kuryente sa spot market sa Visayas ug Mindanao ngadto sa pinakataas nga lebel sa kasaysayan atol sa bulan sa Agosto tungod sa pagkaguba sa pipila ka mga planta ug pagtaas sa panginahanglan sa kuryente.
Sumala sa datos gikan sa Independent Electricity Market Operator of the Philippines (IEMOP), ang kinatibuk-ang average nga presyo misaka gikan sa P8.31/kWh ngadto sa P9.29/kWh, apan mas dakong pag-uswag ang natala sa duha ka rehiyon.
Ang Visayas Grid misaka og P7.33/kWh gikan sa P11.29 ngadto sa P18.59/kWh, samtang ang Mindanao nisaka og P9.16/kWh gikan sa P10.39 ngadto sa P19.56/kWh.
Gipatin-aw ni IEMOP Vice President Sid Cacho Jr., nga kini ang pinakataas nga lebel sa presyo nga nahitabo sa spot market.
Dako kini og epekto sa mga konsumidor sa Visayas ug Mindanao nga makasinati og mas taas nga generation charges kon ang ilang electric cooperative o distribution utility mokuha og dakong porsyento sa ilang kuryente gikan sa maong merkado.
Sa laing bahin, ang Luzon grid lang ang nakasinati og pag-ubos sa presyo gikan sa P7.30/kWh ngadto sa P4.80/kWh.
Gikumpirma ni Cacho nga ang presyo sa kuryente sa Visayas ug Mindanao magpabilin nga taas samtang ang yellow ug red alerts padayon nga gi-isyu.
Pagkasunod adlaw, ang Visayas grid gibutang na usab sa red alert tungod sa pagka-offset sa 33 ka power plant, samtang ang Mindanao grid gibutang sa yellow alert human ang 29 ka planta gipalong.
