CEBU CITY-Nagkanayon si Dr. Jaime Bernadas ang regional director sa Department of Health (DOH-7) nga posibling dunay area nga nakapuyo ang virus ug hinungdan nga maoy nakacontaminate sa Butuanon River.
Pagtino sa direktor nga dili pasabot nga ang ang mataptan sa polio virus magkasakit na, posible usab nga kini mahimo lamang nga ‘carrier‘.Hinungdan nga dili gyud kini angayan nga kakumpyansaan.
Subay niini, gibutyag ni Bernadas nga human sa close coordination meeting nila kauban si Mandaue City Mayor Jonas Cortes ug Cebu City Mayor Osmeña ila gyud dayon nga suroyon ang mga namuyo sulod sa 5 km radius sa populated area sa naasoy nga sapa aron nga mamonitor kung naa bay indibidwal nga dunay simtomas aron kuhaan og sample.
Hilingon usab matud pa sa ahensya ang mga bata kung kini kompleto ba gyud sa bakuna sanglit subsub ang ilang pagpangbakuna karon sa mga bata nga ubos sa 5 anyos.
Dugang pa ni Bernadas nga lakip sa ilang pokosan ang dakbayan sa Lapu-lapu ug munisipalidad sa Consolacion kung diin mitadlas ang Butuanon River.
